ৰাজনীতিৰ মেঁৰপাকত….

ৰাজনীতি ! এক সৰ্বজ্ঞাত সত্বা। তাতে যদি আকৌ কথা অসমৰ হয়,তেন্তে ই আৰু অধিক ৰসাল হৈ পৰে। কি ৰাষ্ট্ৰীয়,কি আঞ্চলিক সকলো দলেই টেলিভিছনৰ পৰ্দাত আমাক সদায়ে তেওঁলোকৰ মন্তব্যৰ ফটকাৰে মনোৰণ্জ্ঞন কৰি আহিছে।এই দলসমূহে প্ৰভূত্ব স্থাপন কৰি আহিছে। অসমৰ এই বিশাল ক্ষেত্ৰখনৰ বিষয়ে বৰ্ণনা দিবলৈ মোৰ কলমৰ সামৰ্থ্য আছে যদিও মোৰ অভিজ্ঞতা কিছু সীমিত। ত‌‌ৎসত্বেও একলম লিখাৰ প্ৰয়াসেৰে….

শাসকদল দলসমূহৰ উপৰিও বিভিন্ন বিৰোধী দলেও ৰাজনীতিৰ ক্ষেত্ৰখনত বিশেষ ভাৱে অংশ গ্ৰহণ কৰি আহিছে। তদুপৰি কিছু দিনৰে পৰা বিভিন্ন আঞ্চলিক অৰাজনৈতিক সংগঠনেও যেন ৰাজনীতিৰ মাদকতাৰে আৱৰ্তিত হৈছে। যদিও ৰাজনীতিত অৰিয়াঁ-অঁৰি স্বাভাৱিক,কিন্ত অসমৰ ক্ষেত্ৰখন যেন কিছু সুকীয়া। প্ৰত্যেক দিনাই অসমৰ গৌৰৱোজ্জল দলসমূহে বাঁক বিতন্দ্বৰ মাজেৰে বিতৰ্কত শীৰ্ষস্হান লাভ কৰি আহিছে।

অসমত বিগত কিছু বৰ্ষত কোনো এটি দলে যদি কৰ্মশীলতা, দক্ষতাৰ পৰিচয় দিছে, সেইসময়তে আকৌ পূৰ্বৰে পৰা ৰাজগাদী উপভোগ কৰি অহা দলটিয়ে বাক বিতৰ্কৰ সূত্ৰপাত কৰিব ধৰিছে। এনে খণ্ডযুদ্ধত ভিন্ন বিৰুধী দলো পিছ হুঁহুকি থকা নহয়।কিন্তু এনে নিকৃষ্ট কাৰ্যত সৰ্বসাধাৰণ ৰাইজৰটো একো হাচিল নহয়;কেৱল পৰিধান কৰিব লাগে ভুক্তভোগীৰ ‘মুখা’। যদি কোনো এটা দলে ৰণডংকা বজায়, অন্য এটা দলেও অৱশ্যেই তাৰ প্ৰত্যুত্তৰ দিবলৈ সাজু হ’ব। কিন্তু দুই ম’হৰ এই যুঁজত বিৰিণা কোন? নিশ্চয়কৈ জনসাধাৰণ ।এনেদৰে সদায় ধাৰাবাহিকতা বৰ্তাই চলিলে অসমৰ ৰাজনীতিৰ পটভূমি ছাৰখাৰ নহ’বনে? ইতিমধ্যে ই কলুষিত নোহোৱাকৈ থকা নাই। দলসমূহৰ নিজৰ মাজেৰে বিভাজণমুখী প্ৰৱণতায়ো মাধ-মাৰটো সুধায় জনমাজতে। যদি কোনোবা ৰাজনেতাৰ পুঁজিবাদী অৰ্থনীতিৰ প্ৰসাৰতাই সাধাৰণ ৰাইজক ৰামটাঙোন সুধাইছে,আন কেতিয়াবা আকৌ ভোটৰ লালসাত জনসাধাৰণক ‘বলিৰ ছাগলী’ হিচাপে ব্যৱহাৰৰ নজিৰ আমাৰ নথকা নহয় । সৌ-সিদিনাৰে কথা,চৰকাৰে এজন জেষ্ঠ্য সন্ত্ৰাসবাদী নেতাক আটক কৰিলে,কিন্তু বৰ্তমান তেওঁ মুক্ত বতাহ আৰু মুক্ত আকাশৰ অতিথি। এয়া নতুন ঘটনা নহয়! ইতিমধ্যেই,বিগত কিছু বছৰৰ পৰা আন বহুতো এনে সন্ত্ৰাসবাদী নেতাক চৰকাৰে সুৰক্ষা দি আহিছিল। আকৌ UNESCO ৰ summit ত ভুৱা পৰিচয়ৰ ব্যৱাহাৰ;এইবোৰ কি আছিল?আত্মসমৰ্পণ কৰিছে;কৰিব আৰু?? আৰু অঙ্গৰক্ষক ল’বনে??

এয়াই নেকি গণতন্ত্ৰ? এয়াই নেকি ন্যায়?ছাগে এয়াই জনকল্যাণ?

তদুপৰি,জনজাতীয় অশান্তিৰ বীজ সীচাৰো কাৰ্য একাংশ নেতাই নিৰ্বিকাৰে কৰি আহিছে!প্ৰতিবাৰে নিৰ্বাচনৰ প্ৰাক্ মূহুৰ্তত ঘটা জনজাতীয় অশান্তিসমূহ এনে কিয় লাগে যেন ৰাজনীতিৰ ই ছলনাহে,য’ত নিৰীহ শতাধিকলোকৰ প্ৰাণৰ ভাবুকি আহি পৰে।অসম খনক আৰ্চেনিক,মনক্সাইদ,নাইট্ৰাইদ আদিৰ প্ৰয়োজন নাই পংগু হোৱাৰ বাবে,এইবোৰ ৰাজনীতিৰ বিহেই যথেষ্ট।অসমৰ ৰাজনীতিত সুপ্ৰভাৱৰ লগতে কুপ্ৰভাৱ বিস্তাৰ কৰে ‘বৈদ্যুতিক মিডিয়া’ই। এই ‘বৈদ্যুতিক মিডিয়া’ই ৰাজনীতিৰ তথা চৰকাৰৰ ভুলৰ অনুশোচনা কৰাই ঠিকেই,কিন্তু কিছু ক্ষেত্ৰত ‘বৈদ্যুতিক মিডিয়া’ই জনসাধাৰণক বিপথে চালিত কৰাৰ উদাহৰণো আছে। সিযিয়ে নহওক কিয় সাধাৰণ ৰাইজৰ ভূমিকা চৰকাৰৰ সমানেই গুৰুত্বপূৰ্ণ ৰাজ্যক সু-পথে চালিত কৰাৰ বাবে।

অসমৰ চাৰিসীমা ‘ছীল’ কৰাৰ ব্যৱস্হা!! যেন এক অলীক সপোন। আজি বোলে নগা আহি অসমীয়াৰ চাহ বাগিছা কাটি গ’ল ,কালি বোলে সন্ত্ৰাসবাদীয়ে আহি তাণ্ডাৱ চলাইছৈ। কত যে কি নহয় আৰু….। মই অন্য এক জ্বলন্ত সমস্যাৰে চিন্তিত; প্ৰতিবছৰে,প্ৰতিমাহে টেলিভিছনৰ পৰ্দাত প্ৰত্যক্ষ কৰা যে উত্তৰ-পূৱৰ ছাত্ৰৰ হত্যা ৰাজধানী চহৰতে। যদি অসমীয়া ছাত্ৰ পঢ়িবলৈ গৈ ৰাজধানী ৰাজ্যতে সুৰক্ষিত নহয়,তেন্তে কাক বিশ্বাস কৰিব উঠি অহা চামে??চৰকাৰক বিশ্বাস কৰিবনে? বৰ্তমান জনসাধাৰণ আধুনিক শিক্ষাৰে শিক্ষিত হৈ উঠাৰ প্ৰয়োজন আহি পৰিছে। সমাজ সুস্হ মগজুৰে ওলায় আহিব লাগিব

মোৰ বৰ্তমানলৈ চাক্ষুস অভিজ্ঞতা যথেষ্ঠ সীমিত যদিও উপলব্দ্ধি কৰিছো যে ধৰ্ণা,প্ৰতিবাদ কোনো সমস্যাৰে সমাধান নহয়। বৰং;ই এক অশান্তিৰ বাতাবৰণহে সৃষ্টি কৰে। ই সমাজ অধিক কলুষিত কৰে। জনসাধাৰণে নিজে কাম কৰা উচিত আৰু নৱপ্ৰজন্মই বিশেষকৈ উচিত দিশৰ বিবেচনা কৰি বিবেকপূৰ্ণভাৱে সিদ্ধান্ত লোৱা উচিত। যাতে নৱপ্ৰজন্ম য’ত ,তাতেই যেন আমাৰ সুস্হ সমাজ দৃষ্টি গোচৰ হয়। প্ৰতিজন ওলায় আহক,অসমৰ গৰিমা বৰ্তাই ৰাখোহঁক। শংকৰ-লাচিত এই দেশত যেন ৰাজনীতিৰ ক্ষেত্ৰখনে ‘অসমানতা’ৰ বীজ ৰোপন নকৰে, যদিও ৰাজ্যখন ‘অসম’ নামেৰে পৰিচিত।

~ Debashree Sharma

Advertisements

Author: deba1999

Writer, Motivator, Guru, Psychologist

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s